Ուկրաինայի Գլխավոր դատախազությունը նոր քրեական գործ է հարուցել Վիկտոր Յանուկովիչի նկատմամբ
Ուկրաինայի գլխավոր դատախազությունը նոր քրեական գործ է հարուցել Վիկտոր Յանուկովիչի դեմ` «Ուկրաինայի կազմում գտնվող յուրաքանչյուր շրջանի կարգավիճակի որոշման մասին հանրաքվե անցկացնել պահանջելու» մասին կոչ անելու համար: ИТАР-ТАСС-ի փոխանցմամբ` այս մասին հաղորդել են գերատեսչության մամլո ծառայությունից:
«Այսօր ուկրաինացի ժողովրդին իր հերթական կոչի ժամանակ Յանուկովիչը Ուկրաինայի գործող իշխանություններին անօրինական է անվանել և կոչ է արել` պահանջել Ուկրաինայի կազմում գտնվող յուրաքանչյուր շրջանի կարգավիճակի որոշման մասին հանրաքվե անցկացնել»,- ասվում է Ուկրաինայի Գլխավոր դատախազության հաղորդագրության մեջ:
Ինչպես նշում են գերատեսչությունից` նման գործողություններով Յանուկովիչը «ոտնձգություն է իրականացնում երկրի ներքին անվտանգության նկատմամբ` պետական իշխանության գործունեությանը միջամտելով»:










