Սենեգալը Էբոլա համաճարակի պատճառով փակել է Գվինեայի հետ իր սահմանը
Սենեգալի իշխանությունները ստիպված փակել են հարևան Գվինեայի հետ իրենց սահմանը` «Էբոլա»-ի համաճարակը կանխելու նպատակով: Այս մասին հաղորդում է Газета.ru-ն` հղում կատարելով Associated Press-ին:
Սահմանը փակելու որոշումը հայտարարվել է շաբաթ օրը երկրի Ներքին գործերի նախարարության կողմից: Վերջին տվյալների համաձայն «Էբոլան» Գվինեայի առնվազն 70 բնակիչների կյանք է խլել:
Էբոլա վարակը համարվում է հազվադեպ, սակայն խիստ վտանգավոր վիրուսային հիվանդություն, որը հեշտությամբ փոխանցվում է մարդուց մարդուն և վարակվածների 90%-ի մոտ այն ճակատագրական է դառնում:
Հիվանդների մոտ նկատվում են սուր գլխացավեր, հազ, ընդհանուր հոգնածություն, լուծ, մկանային, թոքային և որովայնի ցավեր:










