Ճապոնիան և Հյուսիսային Կորեան առաջին անգամ 2 տարվա ընթացքում նստել են բանակցությունների սեղանի շուրջ
Ճապոնիայի և Հյուսիսային Կորեայի միջև այսօր Պեկինում սկսվել են 2 տարվա ընթացքում առաջին միջկառավարական բանակցությունները, հայտնում է Газета-ն։
Երկօրյա խորհրդակցություններին մասնակցում են երկու երկրների արտաքին քաղաքականության գերատեսչությունների պատվիրակությունները։
«Մենք անկեղծ երկխոսություն ենք ակնկալում մեր երկրների միջև հարաբերությունների հիմնական խնդիրների վերաբերյալ»,- հանդիպումից առաջ նշել է Ճապոնիայի ԱԳՆ Ասիական-Խաղաղօվկիանոսյան բաժնի ղեկավար Ձյունիտի Իխարան, ով գլխավորում է ճապոնական պատվիրակությունը։
Իր հերթին հյուսիսկորեացի դիվանագետ Սոն Իլ Հոն նույնպես հույս է հայտնել, որ «խորհրդակցություններն արդյունավետ կլինեն»։










