Միխայիլ Գալուստյանը միացել է #Savekessab ակցիային

13:33 • 31.03.14

Հայտնի դերասան, շոումեն, հումորիստ Միխայիլ Գալուստյանը Twitter-ի իր միկրոբլոգում միացել է ի պաշտպանություն Սիրիայի Քեսաբ հայաբնակ ավանի սկսված արշավին։

 

Գալուստյանը #Savekessab լուսանկար է տեղադրել Instagram-ում և ակտիվորեն Քեսաբի մասին նյութեր և թվիթներ է տարածում։

 

Իր միկրոբլոգում Գալուստյանը հրապարակել է Քիմ Քարդաշյանի, լրագրող, հասարակական գործիչ Վլադիմիր Սոլովյովի գրառումները, ինչպես նաև տարածել է քեսաբահայության կոչը ողջ աշխարհի հայերին։

 

Քեսաբի փրկությանն ուղղված համացանցային ակցիային միացել են ֆուտբոլիստներ Հենրիխ Մխիթարյանը, Յուրա Մովսիսյանը, երգիչ Արմենչիկը, դերասան Հայկ Մարությանը, իրապատում շոուի աստղ Քիմ Քարդաշյանը և այլ հայտնիներ։