Իրանում 4.4 մագնիտուդ ուժգնությամբ երկրաշարժ է տեղի ունեցել
Իրանի Գյուլիստանի նահանգում 4.4 մագնիտուդ ուժգնությամբ երկրաշարժ է արձանագրվել: Այս մասին հաղորդում է Росбалт.ru-ն՝ հղում կատարելով Iribnews-ին:
Ստորգետնյա ցնցումները տեղի են ունեցել երկուշաբթի, ժամը 15:40-ին` Սիմինշախր քաղաքում: Զոհերի և ավերածությունների մասին տեղեկություններ չեն ստացվել:
Նշենք, որ Իրանը գտնվում է աշխարհի առավել ակտիվ սեյսմիկ գոտիներից մեկում: Երկրի տարածքում կան մի քանի խոշոր տեկտոնական հատվածներ, որոնք կազմում են երկրի տարածքի առնվազն՝ 90%-ը:










