Մուշարաֆին մեղադրել են պետական դավաճանության համար

10:37 • 31.03.14

Պակիստանի դատարանը մեղադրել է նախկին նախագահ Փերվեզ Մուշարաֆին պետական դավաճանության համար, գրում է lenta.ru-ն՝ հղում անելով Agence France-Presse-ին:

 

Մեղադրանքները կապված են 2007 թվականին Մուշարաֆի կողմից երկրի տարածքում արտակարգ դրություն մտցնելու հետ, որը նշանակալիորեն ընդլայնել է նրա լիազորությունները: Մուշարաֆին մեղադրանքի հինգ կետ է ընթերցվել, որոնցից ոչ մեկով նա իրեն մեղավոր չի ճանաչել:

 

Մուշարաֆը նախագահել է 1999-2008 թվականներին։ Նրան սպառնում է մահապատիժ կամ ցմահ ազատազրկում։