Ռուսաստանը սպառնալիք չէ Ուկրաինայի ինքնիշխանության համար. Շոյգու
Ռուսաստանը սպառնալիք չէ Ուկրաինայի պետականության համար. ինչպես տեղեկացնում է РИА Новости գործակալությունը, այդ մասին հայտարարել է ՌԴ պաշտպանության նախարար Սերգեյ Շոյգուն։
«Ուկրաինայի պետականությանը սպառնացող վտանգը ներքաղաքական և տնտեսական խոր ճգնաժամի մեջ է, այլ ոչ Ռուսաստանի կողմից»,- ասել է Ռուսաստանի ռազմական գերատեսչության ղեկավարը։
Իրավիճակից դուրս գալու ելքը, նրա խոսքով, բացառապես իրավիճակի խաղաղ կարգավորման մեջ է՝ հաշվի առնելով ուկրաինացի ժողովրդի շահերն ու իրավունքները։
Շոյգուի խոսքով՝ լրացուցիչ լարվածություն է ստեղծում լրատվամիջոցների տարածած հիստերիան Ուկրաինայի արևելյան շրջանները «ռուսական օկուպացիայի» ենթարկելու մասին, ինչպես նաև ԱՄՆ-ի և եվրոպացիների հռետորաբանությունը Ռուսաստանի հանդեպ։
ՌԴ պաշտպանության նախարարը հայտարարել է, որ Ուկրաինայում «արաբական գարնան» սցենար է իրականացվել։










