Ղազախստանի կառավարությունը հրաժարական է տվել
Ղազախստանի նախագահ Նուրսուլթան Նազարբաևն ընդունել է Սերիկ Ախմետովի գլխավորած կառավարության հրաժարականը, հաղորդում է Russia Today-ը:
«Կառավարության մասին սահմանադրական օրենքի համաձայն՝ պետության ղեկավարն այսօր ընդունել է իմ հրաժարականը»,- հայտարարել է Ախմետովը կառավարության նիստի ժամանակ:
Վարչապետի հրաժարականին հետևելու է ողջ նախարարների կաբինետի լիազորությունների դադարեցումը:
Սերիկ Ախմետովը գլխավորում էր կառավարությունը 2012-ի սեպտեմբերից։










