Ռեալն ուժեղ ֆուտբոլիստներ ունի, բայց մենք ունենք Հենրիխ Մխիթարյանին. Յուրգեն Կլոպ
Դորտմունդի «Բորուսիայի» գլխավոր մարզիչ Յուրգեն Կլոպը հուսով է, որ իր թիմը հաջող կգործի Մադրիդի «Ռեալի» հետ՝ Չեմպիոնների լիգայի քառորդ եզրափակիչ առաջին հանդիպման ժամանակ, որը տեղի կունենա այսօր՝ ապրիլի 2-ին:
Գերմանացի մասնագետն ընդգծել է, որ իր թիմում նույնպես կան որակյալ ֆուտբոլիստներ:
- Մենք երբեք չենք դժգոհում: Իհարկե, «Ռեալի» կազմում խաղում են շատ ուժեղ ֆուտբոլիստները: Բայց մենք էլ, մեր հերթին, ձեռք ենք բերել Մխիթարյանին եւ ուրիշ խաղացողների:
Հենրիխը, Օբամեյանգը եւ Պապաստատոպուլոսը հրաշալի ընտելացան «Բորուսիայի» խաղին: Նրանք, միանշանակ, ուժեղացրել են մեր կազմը: Ես պնդում եմ, որ չենք դժգոհում եւ «Ռեալի» հետ կայանալիք խաղի ժամանակ կանենք ամեն ինչ՝ մեր ուժերի սահմաններում, - հայտարարել է «Բորուսիայի» գլխավոր մարզիչը:










