Չիլիում կրկին ցունամիի վտանգ է հայտարարվել 7.8 մագնիտուդով նոր երկրաշարժից հետո
Չիլիի խաղաղօվկիանոսյան ափի մոտ այսօր 7.8 մագնիտուդով նոր երկրաշարժ է տեղի ունեցել, այս մասին հաղորդում է gazeta.ru-ն՝ հղում անելով ԱՄՆ երկրաբանական ծառայության կայքին:
Երկրաշարժի էպիկենտրոնը եղել է Խաղաղ Օվկիանոսում՝ չիլիական Իկիկե քաղաքացից 40 կիլոմետր հարավ–արևմուտք: Օջախը գտնվել է 10 կիլոմետր խորության տակ:
Ինչպես հաղորդում է Reuters-ը, Չիլիի իշխանությունները հայտարարել են ափամերձ շրջանների շտապ տարհանման մասին: Հայտարարվել է ցունամիի վտանգ:
Ապրիլի 2-ի գիշերը Չիլիում 8.0 մագնիտուդով երկրաշարժից հետո կրկին հայտարարվել էր ցունամիի վտանգ:










