Նյու Յորքում թույլատրել են եկեղեցին վերածել մզկիթի
Նյու Յորքի քաղաքային խորհուրդը մուսուլմաններին թույլ է տվել տեղի կաթոլիկ եկեղեցիներից մեկից հեռացնել 6 խաչերը և գոթական կառույցն օգտագործել որպես մզկիթ, հայտնում է BBC-ն:
Խաչերի հեռացման դեմ են հանդես եկել մի քանի տեղացի բնակիչներ և եկեղեցի այցելողները: Ավելի քան 200 մարդ առցանց խնդրագիր է ստորագրել՝ նշելով, որ 100 տարի առաջ գերմանացիների կողմից կառուցված եկեղեցին քաղաքի տեսարժան վայրերից է և ճարտարապետական հուշարձան:
Քաղաքային խորհրդից ասել են, որ չեն միջամտում հավատի ազատության հարցերին:
Հավատացյալների թվի նվազման պատճառով եկեղեցին փակվել էր 2010-ին: Անցած տարի եկեղեցին, դրան կից դպրոցն ու քահանայի կեցավայրը գնել էր մի ոչ առևտրային կազմակերպություն, որը զբաղվում է Բիրմայից, Բութանից ու Սոմալիից ներգաղթյալների շրջանում անգրագիտության հաղթահարմամբ։
Խաչերի հեռացման առաջարկով հանդես է եկել այդ կենտրոնի ղեկավարը՝ նկատելով, որ իսլամում արգելվում է երկրպագությունը խորհրդանիշներին:










