Խարկովում բախումներ են տեղի ունեցել ռուսամետ ցուցարարների և «Պրավի սեկտորի» ակտիվիստների միջև
Խարկովում` Շևչենկոյի անվան թատրոնի մոտակայքում, ծեծկռտուք է տեղի ունեցել ռուսամետ ցուցարարների և ենթադրաբար «Պրավի սեկտորի» ակտիվիստների միջև:
Ինչպես հայտնում է Rosbalt-ը` բախման ժամանակ պայթուցիներ են օդ բարձրացել, մի շարք պայթյուններ են հնչել: Մարդկանց տարբեր խմբեր, որոնց փորձում է բաժանել ոստիկանությունը, միմյանց վրա, ինչպես նաև՝ իրավապահների ուղղությամբ պլաստմասսե շշեր և փայտեր են նետում:
Բախումն սկսվել է, երբ ռուսամետ ցուցարարների երթին է մոտեցել երկու մարդ և հայտնել, որ մոտակայքում գտնվում են «Պրավի սեկտորի» ակտիվիստները:
Ավելի վաղ Դոնեցկում ցուցարարները գրավել էին շրջանի պետական կառավարման շենքը, որի վրայից ցուցարարները հանել էին Ուկրաիանյի դրոշը և փոխարենը կախել ռուսականը:
ИТАР-ТАСС-ի փոխանցմամբ՝ ավելի ուշ ոստիկանությունը շրջափակման մեջ է վերցրել ցուցարարներին նույն շենքում:










