Տուրչինովը սպառնացել է «հակաահաբեկչական միջոցառումներ» ձեռնարկել նրանց դեմ, ովքեր զենք են վերցրել
Ուկրաինայի նախագահի պաշտոնակատար Ալեքսանդր Տուրչինովը հայտարարել է, որ երկրում «հակաահաբեկչական միջոցառումներ» են ձեռնարկվելու բոլոր նրանց դեմ, ովքեր զենք են վերցրել ձեռքը. տեղեկացնում gazeta.ru-ն:
«Այսօր գիշեր հակաճգնաժամային շտաբ է ստեղծվել: Ուժեղացվել է մեր երկրի արևելյան սահմանների պաշտպանությունը»,-ընդգծել է նա:
Գործիչը նաև պարզաբանել է, որ ապրիլի 8-ին Գերագույն Ռադան կքննարկի անջատողականության համար քրեական պատասխանատվության խստացման հարցը:
Տուրչինովը նշել է, որ օրենքի շրջանակներում հնարավոր է, որ արգելք սահմանվի մի շարք կուսակցությունների և կազմակերպությունների վրա:










