«Գորշ գայլերի» առաջնորդն Էրդողանին դավաճան է անվանել՝ հայերին ցավակցելու համար

13:00 • 29.04.14

Թուրքիայի «Ազգայնական շարժում» կուսակցության՝ «գորշ գայլերի» առաջնորդ Դևլեթ Բահչելին կոշտ քննադատության է ենթարկել երկրի վարչապետ Ռեջեփ Թայիփ Էրդողանին՝ 1915թ.-ի դեպքերի կապակցությամբ արված ցավակցական հայտարարության համար։

 

Ինչպես տեղեկացնում է Sondakika կայքը, Բաքչելիի քննադատությունը կուսակիցները ծափահարություններով են ընդունել։
 

«Ցեղասպանության թեզը որպես զենք օգտագործելով մեր դեմ քարոզչություն իրականացնող ո՞ր հայն է թուրքերից ներողություն խնդրել՝ մեզ պատճառած ցավի համար։ Ինչո՞ւ է հնարավոր Ստամբուլում «բոլորս հայ ենք» ասել, իսկ Երևանում «բոլորս թուրք ենք» ասելը երազանքից ավելի է»,-հարցրել է Բահչելին։

 

Թուրք ազգայնականն Էրդողանին դավաճանության համար է մեղադրել։
 

Հիշեցնենք, որ իր խոսքում Էրդողանը 20-րդ դարասկզբի իրադարձությունների հետևանքով կյանքից զրկված հայերի հոգիներին հանգստություն էր մաղթել, իսկ նրանց թոռներին էլ ցավակցություն հայտնել։