Պակիստանի վարչապետի գազն անջատել են՝ չվճարելու համար
Պակիստանի վարչապետ Նավազ Շարիֆի կեցավայրի գազն անջատել են՝ վարձը չմուծելու համար, հայտնում է Pakistan Today-ը:
Ընդամենը մեկ շաբաթ առաջ նույն վարչապետը հրահանգ էր տվել խստորեն հետևել երկրում կոմունալ տնտեսության ծառայությունների վճարումներին, գրում է gazeta.ru-ն։
Չվճարողների դեմ պայքարի կոչ անող վարչապետը, պարզվել է, ամենամեծ չարաշահումներ թույլ տվողներից է. անջատման պահին նրա չվճարած պարտքը կազմել է 4,7 մլն պակիստանյան ռուփի՝ մոտ 48 հազար ԱՄՆ դոլար:
Sui Northern Gas Pipelines Limited գազային ընկերությունը պարզել է, որ չեն վճարում նաև Պակիստանի խորհրդարանում (78 հազար դոլար), այլ պետական կառույցներում։










