Ուկրաինայում նախապես «այո» քվեարկած 100 000 քվեաթերթիկ է առգրավվել (տեսանյութ)

12:26 • 11.05.14

Ուկրաինայի ռազմական ուժերը կագնեցրել են մեքենա, որով երեք զինված տղամարդ տեղափոխում էին ատրճանակ, ռազմամթերք և մայիսի 11-ին Դոնեցկի ինքնորոշման մասին հանրաքվեի համար 100 000 քվեաթերթիկ, որոնց վրա արդեն նշված էր «այո» պատասխանը, գրում է Business Insider-ը՝ հղում անելով Kyiv Post-ին:

Մեքենայի բեռնախցիկում քվեաթերթիկներով տղամարդիկ, որոնց ուկրաինական լրատվամիջոցները նկարագրել են որպես «զինված ահաբեկիչներ», հայտնաբերվել են Դոնեցկ քաղաքի արվարձաններից մեկում, պատմել է ոստիկանության աշխատակիցը Ukraine Observer-ին:

Դոնեցկի և Լուգանսկի շրջաններում այսօր՝ մայիսի 11-ի հանրաքվե է սկսվել ինքնորոշման մասին: Տեսանյութը հայտնվել է բազմաթիվ ուկրաինական լրատվամիջոցներում: