ԵՄ-ն չի ճանաչի Ուկրաինայի հարավ-արևելքում հանրաքվեի արդյունքները
Եվրամիությունը հայտարարել է, որ չի ընդունի Ուկրաինայի հարավ-արևելքում տեղի ունեցած հանրաքվեի արդյունքները, հայտնում է Взгляд-ը:
Չսպասելով Դոնեցկի և Լուգանսկի շրջաններում հանրաքվեի անցկացման արդյունքների պաշտոնական հայտարարմանը՝ Եվրամիության արտաքին քաղաքականության գերատեսչությունը հայտարարել է, որ չի ճանաչի դրանք:
Ըստ Բրյուսելի՝ Ուկրաինայում այսպես կոչված հանրաքվեի անցկացումն օրինական չէ, ուստի և իրավական ուժ չունի: Սակայն միևնույն ժամանակ այսօր Բրյուսելում կքննարկվի Ուկրաինայում ստեղծվելիք նոր իրադրությունը՝ նույն հանրաքվեներից հետո:
Նախօրեին ԱՄՆ-ն ևս հայտարարել էր, որ չի ընդունի այդ հանրաքվեի արդյունքները:
Ուկրաինայի հարավ-արևելյան շրջանների կարգավիճակի վերաբերյալ հանրաքվեն կայացել էր մայիսի 11-ին։










