Արքայազն Հարին կհետևի Էստոնիայում անցկացվող ՆԱՏՕ-ի խոշորագույն զորավարժանքներին

12:06 • 17.05.14

Բրիտանացի արքայազն Հարին, ով գտնվում է Էստոնիայում, շաբաթ օրը կայցելի երկրի տարածքում անցկացվող ՆԱՏՕ-ի խոշորագույն զորավարժություններին, հայտնում է «ՌԻԱ Նովոստի» գործակալությունը։

 

Այցի շրջանակներում նա կհանդիպի էստոնացի զինվորների հետ, որոնք վիրավորվել են Աֆղանստանում դաշինքի առաքելության ժամանակ։

 

Նա նաև հանդիպում կունենա երկրի նախագահ Թոոմաս Հենդրիկ Իլվեսի հետ, այնուհետ կհետևի ՆԱՏՕ-ի վարժանքներին։

 

Ավելի վաղ հաղորդվել էր, որ վարժանքներին մասնակցում է դաշինքի անդամ երկրներից մոտ 6.000 զինծառայող, ներառյալ՝ Մեծ Բրիտանիայից 100 զինվոր։