Սերբիայում տարհանվել է ավելի քան 15 հազար մարդ
Սերբիայի ներքին գործերի նախարարությունում հայտարարել են, որ չդադարող ջրհեղեղի պատճառով իրենց տներից տարհանվել է 15,4 հազար մարդ, հաղորդում է ИТАР-ТАСС-ը:
Երկրում հայտարարվել է արտակարգ իրավիճակի ռեժիմ: Հաղորդվում է, որ ամենածանր իրավիճակը Կոլուբարայի, Մաչվայի, Մորավիչայի և Պոմորավյեի շրջաններում է:
Ավելի վաղ հաղորդվել է, որ Սերբիայի մայրաքաղաք Բելգրադում հեղեղումների մասին լուրերի պատճառով խանութներից ամբողջությամբ գնվել է խմելու ջուրը:










