Մերկելը կոչ է արել Պուտինին նպաստել Ուկրաինայում նախագահական ընտրություններին

09:57 • 20.05.14

Գերմանիայի կանցլեր Անգելա Մերկելը Ռուսաստանի նախագահ Վլադիմիր Պուտինի հետ հեռախոսազրույցում կոչ է արել նրան նպաստել Ուկրաինայում նախագահական ընտրությունների հաջող անցկացմանը, գրում է Обозреватель-ը։

 

Մերկելը կոչ է արել Ռուսաստանի նախագահին՝ «անել ամենն ընտրություններին աջակցելու և դրանց արդյունքներն ընդունելու համար»։ Նա ընդգծել է իրավիճակի կայունացման համար այդ ընտրությունների կարևորությունը։

 

Մերկելը շնորհավորել է նաև Ուկրաինայում ազգային երկխոսության սկզբի կապակցությամբ և նշել, որ այն հնարավորություն է տալիս բոլոր նրանց, «ովքեր զերծ են մնում բռնությունից», քննարկել միասնական Ուկրաինայի ապագան։

 

Ընտրությունները նշանակված են մայիսի 25-ին։