Սևանա լճում ուժեղ ալեկոծության հետևանքով «Կիլիկիա» առագաստանավը արգելափակվել է ծանծաղուտում

15:22 • 20.05.14

ՀՀ արտակարգ իրավիճակների նախարարություն մայիսի 20-ին, ժամը 12.27-ին ահազանգ է ստացվել, որ Սևանա լճում` թերակղզու մոտակայքում, եղանակային անբարենպաստ պայմանների պատճառով (ուժեղ ալեկոծություն) նավը տատանվում է (5 ուղևորներով). անհրաժեշտ է փրկարարների օգնությունը:

Դեպքի վայր է մեկնել հատուկ ջրափրկարարական ջոկատի հերթապահ խումբը: 

Պարզվել է, որ ուժեղ քամու հետևանքով «Կիլիկիա» առագաստանավը արգելափակվել է լճի ծանծաղուտում, որտեղից նավը դուրս բերելու համար անհրաժեշտ է օգնություն:  ՀՀ ԱԻ նախարարությունից հայտնում են, որ ժամը 15.13-ի դրությամբ ջրափրկարարները նավն անվնաս դուրս են բերել բաց լիճ: