Բրիտանիայում ցանկանում են պայքարել երեխաների գիրության դեմ շաքարի համար հարկի միջոցով

Մեծ Բրիտանիայի կառավարություն է դիմել «Գործողություն՝ ընդդեմ շաքարի» նախաձեռնությունը՝ խնդրելով հարկ սահմանել շաքարի համար՝ երեխաների գիրության դեմ պայքարի նպատակով: Այս մասին գրում է gazeta.ru-ն՝ հղում անելով BBC-ին:

Կառավարությանն առաջարկվել է նախագիծ՝ բաղկացած երեխաների շրջանում առողջ սննդի պրոպագանդայի, ֆասթֆուդի և մեծ քանակությամբ շաքար պարունակող գազավորված ըմպելիքների դեմ պայքարին առնչվող յոթ կետերից:

Խումբն առաջարկել է, մասնավորապես, արգելել երեխաների համար վնասակար արտադրանք արտադրող ընկերություններին՝ դառնալ սպորտային միջոցառումների հովանավոր:

Հաղորդվում է, որ Բրիտանիայում երեխաների 20 տոկոսը տառապում է գիրությունից: