Google-ի աշխատակցի դուստրը նամակ է գրել ընկերության ղեկավարությանը՝ հայրիկին ազատ օր տրամադրելու խնդրանքով (լուսանկարներ)

Google ընկերության աշխատակիցներից մեկի դուստրը նամակ է գրել գործատուին՝ խնդրելով մեկ ազատ օր տրամադրել իր հայրիկին։

Նամակում, մասնավորապես, Քեթի անունով աղջնակը մեկ հանգստյան օր է խնդրում իր հայրիկի համար, քանի որ նա միայն շաբաթ օրն է հանգստանում, իսկ չորեքշաբթի նրա ծննդյան օրն է, իսկ նամակի վերջում նա հիշեցնում է, որ արդեն ամառ է, գրում է businessinsider.com-ը։

Միգուցե պատճառ է եղել այն, որ նամակը գրված է եղել գունավոր մատիտով, միգուցե ակնարկն այն մասին, որ արդեն ամառ է ստիպել են Google-ին ընդառաջել երեխային։

Քեթիին ուղղված պատասխան նամակում նրա հայրիկի ղեկավար՝ ընկերության դիզայնի բաժնի ավագ մենեջեր Դենիել Շիպլակոֆը, ոչ միայն գովել է նրա հայրիկի աշխատանքը, այլև մեկ շաբաթ հանգիստ տրամադրել։ Չէ՞ որ ամառ է, վերջիվերջո, գրում է աղբյուրը։