Ռուսական ծագումով ֆրանսիացի մաթեմատիկոսը Breakthrough Prize մրցանակին է արժանացել

Ռուսական ծագում ունեցող ֆրանսիացի գիտնական Մաքսիմ Կոնցևիչը արժանացել է մաթեմատիկայի բնագավառում տրվող հեղինակավոր Breakthrough Prize մրցանակին: Այս մասին հաղորդում է ИТАР-ТАСС-ը:

Մրացանակը սահմանվել է 2013 թվականին՝ Mail.ru Group-ի համասեփականատեր Յուրի Միլների և Facebook-ի հեղինակ Մարկ Ցուկերբերգի կողմից:

Հաղթողների անունները հայտարարվել են երկուշաբթի` Սան Ֆրանցիսկոյում: Բացի Կոնցևիչից` մրցանակի է արժանացել ևս չորս մարդ՝ բրիտանացի մաթեմատիկոսներ Սայմոն Դոնալդսոնն ու Ռիչարդ Թեյլորը, ամերիկացի Ջեյկոբ Լուրյեն և ավստրալացի Տերենս Տաոն:

Հաղթողներից յուրաքանչյուրը 3 մլն դոլար է ստացել: Համեմատության համար նշենք, որ այս գումարը Նոբելյան մրցանակից գրեթե երեք անգամ ավելի քիչ է 1.1 մլն դոլարով: Բոլոր հաղթողները հաջորդ տարվա մրցանակաբաշխության ժյուրիի անդամ կդառնան: