Ford-ը գաղտնազերծել է 2015 Edge մոդելը (լուսանկարներ)

Ամերիկյան Ford մեքենաշինական ընկերությունը Միացյալ Նահանգներում ու Եվրոպայում միաժամանակ գաղտնազերծել է միջին չափի 2015 Edge քրոսովերը, որը նախատեսված է 5 ուղևորի համար։

Ինչպես նշում է USA Today-ը, մեքենայի առաջին մոդելը ներկայացվել է 2006թ. ու վաճառքի հանվել աշխարհի 100-ից ավելի երկրում։ Ընկերությունը նաև մտադրություն ունի նորույթի հատուկ տարբերակը, որը կլինի ավելի մեծ ու տարողունակ, առաջարկել չինական շուկայի համար։

Երկրորդ սերնդի Edge-ը ստեղծվել է օրիգինալ նմուշի հիմքով, սակայն այն համալրվել է դիզելային շարժիչով ու ավելի սահուն ընթացք է ապահովում։ Նոր Edge-ի կատարելագործման վրա Ford-ը ծախսել է 700 մլն դոլար։ Մեքենան հավաքվել է կանադական գործարանում. դրա գնի վերաբերյալ որևէ բան հայտնի չէ։

2015 Edge-ն ԱՄՆ-ում վաճառքում կհայտնվի հաջորդ տարվա սկզբին, իսկ Եվրոպայում՝ 2015թ. վերջին։