ԱՄՆ-ի հավաքականի պարտությունից հետո գերմանացի տիեզերագնացը սափրել է ամերիկացի գործընկերների գլուխը (տեսանյութ)

09:46 • 28.06.14

Միջազգային տիեզերակայանում գտնվող Գերմանիայից տիեզերագնաց Ալեքսանդեր Գերստը սափրել է իր ամերիկացի գործընկերների՝ Գրեգորի Վայզմանի և Սթիվեն Սվոնսոնի գլուխները։

Տիեզերագնացները գրազ էին եկել, թե Ֆուտբոլի աշխարհի առաջնության շրջանակում կայանալիք ԱՄՆ- Գերմանիա հանդիպմանն ով կհաղթի։ Եթե ԱՄՆ-ն հաղթեր խաղում, երկու ամերիկացիները պետք է գերմանացու ճակատին ԱՄՆ-ի դրոշը նկարեին, իսկ եթե Գերմանիան հաղթեր՝ գերմանացին պետք է սափրեր նրանց երկուսի գլուխը։

Արդյունքում՝ խաղն ավարտվել է 1։0 հաշվով՝ հօգուտ գերմանացիների։

Ինչպես հայտնում է ԻՏԱՌ ՏԱՍՍ գործակալությունը, ՆԱՍԱ-ն հրապարակել է տեսանյութ, որտեղ ժպտադեմ Գերստը սափրում է իր գործընկերների գլուխը։

«Էլ մազ չունենք»,- կատակով ասել են ամերիկացիները։