Եղանակն՝ այսօր
Ագրարային համալսարանի Ստեփանակերտի մասնաճյուղի զարգացման համար կտրամադրվի 40 մլն դրամ
00:00 • 29.06.14
Հայաստանի ազգային ագրարային համալսարանի Ստեփանակերտի մասնաճյուղի զարգացումն ապահովելու համար կառավարության որոշմամբ Կրթության և գիտության նախարարությանը կտրամադրվի 40 մլն դրամ՝ ՀՀ կառավարության պահուստային ֆոնդի հաշվին:
ԿԳ նախարար Արմեն Աշոտյանն այսօր կառավարության նիստին նշեց, որ նշված գումարով նախատեսվում է ԼՂՀ մայրաքաղաք Ստեփանակերտի մասնաճյուղի համար կառուցել ուսումնաարտադրական և փորձնական բազա:
«Այդ բազայի շնորհիվ կկարողանանք խթանել գյուղատնտեսության զարգացումը Ղարաբաղում երիտասարդ կադրերի պատրաստումը, ինչպես նաև բազան կօգտագործվի ճանաչողական այցերի համար այլ բուհերի ուսանողների կողմից»,-ասաց նա:
Նախարարը վարչապետին նաև զեկուցեց, որ ծրագիրն իրականացվելու է համաֆինանսավորման սկզբունքով:
Placeholder
Studio One