Օդով գործող մեքենա. Peugeot-ն ստեղծել է էկոլոգիապես ամենամաքուր փոխադրամիջոցը (լուսանկարներ)

Տասնամյակներ շարունակ մեքենաշինական ընկերությունները շրջակա միջավայրի համար կատարյալ անվնաս փոխադրամիջոցի ստեղծման փնտրտուքի մեջ են։ Սակայն դրանցից մեկին՝ ֆրանսիական Peugeot-ին, հաջողվել է դրական արդյունքի հասնել։

Ինչպես նշում է The Daily Mail-ը, ընկերությունը ստեղծել է Peugeot 2008 Hybrid Air մոդելը, որն էկոլոգիապես շատ ավելի մաքուր է, քան էլեկտրական մեքենաները։

Բանն այն է, որ նորույթը գործում է սեղմված օդի հիմքով, ինչը 0-ի է հասցնում քիմիական վնասակար արտանետումների ծավալը դեպի մթնոլորտ։ Սակայն այն համալրված է նաև բենզինային շարժիչով, քանի որ միայն օդի հիմքով մեքենան չի կարողանա երկար տարածություններ հաղթահարել ու բարձր արագությամբ շարժվել։

Նորարարական տեխնոլոգիայով «զինված» մեքենան վաճառքում կհայտնվի 2016թ.՝ 27.000 դոլարով։

Աղբյուրը մանրամասնում է , որ մեքենայի ստեղծման վրա գերգաղտնիության պայմաններում աշխատել է մոտ 100 գիտնական՝ 3 տարի անցկացնելով Peugeot-ի հետազոտական ու զարգացման կենտրոնում։