Կոշկեղենից առավել վտանգավոր են ճանաչվել ռետինե հողաթափերը

Ռետինե հողաթափերը շատ հարմարավետ են, եթե դրանք լողափին կրեն, ոչ թե քաղաքում, քանի որ դրանց երկարատև կրումը վնասում է ոտքերը: Ինչպես հաղորդում է Meddaily.ru-ն՝ հղում կատարելով Our Windsor-ին, այս մասին զգուշացնում են Topical BioMedics-ի բժիշկները:

Նմանատիպ հողաթափերը չեն ապահովում ոտնաթաթի մկանների ճիշտ շարժը, իսկ այդ ամենը հանգեցնում է ծնկների, կոնքերի և մեջքի հոդերի խնդիրների առաջացմանը:

Հողաթափերը սովորաբար բարակ տակացուներ են ունենում, ուստի ոտքը ուժեղ է դիպչում գետնին, ինչը վտանգավոր է ոսկրերի և հոդերի համար:

Բացի այդ՝ հետևից պահող հարմարանքի բացակայության պատճառով ջանքեր են գործադրվում դրանք ոտքին պահելու համար, ինչը կարող է հավասարակշռության խախտման բերել:

Ռետինե հողաթափերը նաև բազմաթիվ վարակների, գրգռվածությունների և սնկային հիվանդությունների աղբյուր են հանդիսանում: