Swash. ստեղծվել է նոր սարք, որը մաքրում և արդուկում է հագուստը մի քանի րոպեում (տեսանյութ)

Մարդկանց մեծ մասին ծանոթ է այն իրավիճակը, երբ ինչ-որ կարևոր տեղ գնալուց առաջ պարզվում է, որ նախատեսված հագուստը կեղտոտ է կամ ճմռթված։ Սակայն այժմ ստեղծվել է նորարարական մի սարք, որը հաշված րոպեների ընթացքում լուծում է բոլոր խնդիրները։

Ինչպես նշում է The Daily Mail-ը, Swash-ը մի սարք է, որն իրենից ներկայացնում է և՛ լվացքի մեքենա, և՛ արդուկ։ Հետաքրքրական է, որ այն ջուր չի օգտագործում. այն 10 րոպեում մաքրում է կեղտոտ հագուստը, վերացնում տհաճ հոտերն ու հարթեցնում բոլոր ճմռթված հատվածները։

Whirlpool և P&G ընկերությունների համատեղ արտադրած սարքի արժեքը 499 դոլար է։ Այն ունի 1.3 մ բարձրություն և 43 սմ լայնություն։ Կախված հագուստի չափերից՝ սարքի բարձրությունն ու լայնությունը կարելի է մեծացնել։

Swash-ը շարժական է, ինչը նշանակում է, որ այն կարելի է վերցնել նաև ճամփորդությունների ժամանակ։ Ներկայում սարքը հնարավոր է պատվիրել միայն ԱՄՆ-ում։