ԱՄՆ-ում կսկսեն վիրահատություն անել Google Glass-ով

ԱՄՆ-ում Google Glass ֆուտուրիստիկ ակնոցները մուտք են գործել վիրահատարան, հայտնում է Cnet-ը՝ ներկայացնլով Սթենֆորդում գրանցված նախադեպի մասին:

Ըստ աղբյուրի՝ Սթենֆորդի համալսարանում սկսնակ բժիշկներն իրենց վիրաբուժական գործիքների շարքին կավելացնեն նաև Google Glass-ը:

Այսպես՝ բժշկականի ուսանողներն իրենց ակնոցների միջոցով վիրաբույժներին «կհեռարձակեն» իրենց տեսածը, իսկ փորձառու բժիշկը կկարողանա շտկել և ուսուցանել այս մեթոդով:

Հեռարձակումը կիրականացնի CrowdOptic ընկերությունը: Սթենֆորդի համալսարանի այս ծրագիրն իրականացվում է Glass at Work ընդհանուր ծրագրի շրջանակներում, որի նպատակն է Google Glass-ի համար նորանոր կիրառություններ գտնելը:

Այս ակնոցը կիրառվում է սպորտում. հատուկ հավելվածի միջոցով պրոֆեսիոնալ տեսախցիկներից տարբեր հանդիպումներ են հեռարձակվում, և դրանք կարելի է նայել Google Glass-ով:

ԱՄՆ-ում UCI School of Medicine-ը նույն ակնոցն իր բժշկական ծրագրում էր ներառել դեռ այս տարվա մայիսին: