Չինաստանն արգելել է պետական կարիքների համար Apple-ի արտադրանք գնելը

Չինաստանի իշխանություններն արգելել են iPad պլանշետներ և MacBook նոութբուքներ գնել Apple ընկերությունից՝ պետական և քաղաքային մարմինների կարիքների համար: Այդ մասին տեղեկացնում է Bloomberg-ը՝ տեղեկատվական աղբյուրներին հղումով:

Պետական գնումների ապրանքների ցանկից բացառվել է Apple-ի 10 ապրանքի՝ ներառյալ iPad, iPad Mini, MacBook Air և MacBook Pro-ի գնումը:

Դրա պատճառը եղել է իշխանությունների կասկածները այդ սարքավորումների անվտանգության վերաբերյալ և կիբերլրտեսության կասկածները: iPhone սմարթֆոնը, սակայն, այդ ցանկում չկա:

Apple –ը տեխնոլոգիաների միակ ընկերություն չէ, որի արտադրանքը բացառվել է Չինաստանում: Ավելի վաղ արգելվել էր Symantec և Kaspersky Lab. հակավիրուսային ընկերության արտադրանքի, ինչպես նաև՝  Microsoft -ի Windows 8 համակարգով աշխատող համակարգիչների գնումը: