Սաուդյան Արաբիան 1 մլրդ դոլար է հատկացրել Լիբանանի բանակին

11:14 • 06.08.14

Սաուդյան Արաբիան 1 մլրդ դոլար է հատկացրել Լիբանանի բանակին աջակցելու նպատակով, որը Սիրիայի հետ սահմանին կռվում է իսլամիստ գրոհայինների դեմ, հայտնել է Լիբանանի նախկին վարչապետ Սաադ Հարիրին, գրում է Взгляд-ը։

 

«Սաուդյան Արաբիայի թագավոր Աբդալլան տեղեկացրել է ինձ իր մեծահոգի որոշման մասին՝ լիբանանյան բանակին և անվտանգության ուժերին 1 մլրդ դոլար հատկացնելու վերաբերյալ»,- նշել է լիբանանցի բարձրաստիճան քաղաքական գործիչը, ով համարվում է երկրի սուննի համայնքի գլխավոր ներկայացուցիչը։

 

Նրա խոսքով՝ լիբանանյան կողմն արդեն ստացել է միջոցները։