Ղազախստանի նախագահը կոչ է արել պատժել պաշտոնյաներին բամբասկոտության համար

17:06 • 06.08.14

Ղազախստանի նախագահ Նուրսուլթան Նազարբաևը կոչ է արել բացահայտել այն պետական ծառայողներին, ովքեր երկրում բացասական լուրեր են տարածում, գրում է lenta.ru-ն:

 

«Ղազախստանում բոլոր բամբասանքները հիմնականում տարածում են պետական ծառայողները»,- հայտարարել է Նազարբաևն Աստանայում կառավարության ընդլայնված նիստի ժամանակ:

 

Պետության ղեկավարի կարծիքով՝ պաշտոնյաները «նստում են համակարգիչների առաջ և խոսում ինչերից ասես»:


«Պետք է բացահայտել, պատժել, աշխատանքից հեռացնել: Մենք ունենք վերահսկողության բոլոր հնարավորությունները»,- հանձնարարել է նախագահը:

 

Ղազախստանում բամբասանքներ տարածելու համար ֆիզիկական անձին կարող է սպառնալ մինչև 12 տարվա ազատազրկում: