Աֆղանստանում ամերիկացի բարձրաստիճան զինվորական է սպանվել
Քաբուլի մոտակայքում Մեծ Բրիտանիային պատկանող ռազմական ակադեմիայում աֆղանստանցի զինվորի կողմից ամերիկացի գեներալ է սպանվել, հայտնում է BBC News Asia-ն:
Գեներալ Հարոլդ Գրինն Աֆղանստանում տարվող պատերազմական գործողությունների սկզբից երբևէ սպանված ամենաբարձր պաշտոն ունեցող ամերիկացին է: Առնվազն 15 զինվորականներ՝ 2 բրիտանացի, մի քանի ամերիկացիներ, ինչպես նաև գերմանացի և աֆղանստանցի գեներալներ վիրավորվել են:
Պաշտոնական տվյալներով՝ աֆղանստանցի զինվորը, ով կրակել է գեներալին, անմիջապես սպանվել է: Պատասխանատուները կասկած են հայտնել, թե արդյոք ՆԱՏՕ-ն ունակ է վարժեցնել աֆղանստանցի զինվորներին:
Ամերիկյան զորքերն Աֆղանստանից ամբողջովին կհեռանան 2016թ.-ի վերջին:












