Ռասիզմի նման դրևորումներն են ցեղասպանությունների իրագործման, ժխտողականության հիմքում. Բալայանը՝ Էրդողանի հայտարարության մասին

19:32 • 07.08.14

ԱԳՆ մամլո խոսնակ Տիգրան Բալայանը, «Արմինֆո» լրատվական գործակալության խնդրանքով մեկնաբանել է Էրդողանի խայտառակ հայտարարությունը, որով նա վիրավորանք է համարել իրեն հայ անվանելը։


Նա. մասնավորապես, նշել է. «Նման ռասիստական հայտարարությունները պատիվ չեն բերում որևէ մեկին և հատկապես` պետության ղեկավարին։ Զարհուրելի է, որ հայտարարության հեղինակը դա անում է նախընտրական շրջանում՝ ակնկալելով, որ դա կարող է լրացուցիչ ձայներ բերել։


Հենց նման հայտարարարություններն են պարարտ հող ստեղծում` էթնիկ հիմքի վրա հանցագործությունների համար, ինչպիսին էր Հրանտ Դինքի սպանությունը։ Ռասիզմի նման դրևորումներն են ընկած ցեղասպանությունների իրագործման և դրանց ժխտողականության հիմքում»։