Շաբաթական 180 բանան, 8 կգ կարտոֆիլ և 14 կգ բրինձ. անհագ ախորժակով 9-ամյա հնդկուհին (լուսանկարներ, տեսանյութ)
Հնդկաստանում բնակվող 9-ամյա Սուման Խաթունն աշխարհի ամենագեր երեխաներից է, ով կշռում է իր տարիքի համար նորմայից հինգ անգամ ավելի, գրում է Daily Mail-ը:
Արևմտյան Բենգալ շրջանում ապրող Սումանը մեկ շաբաթվա ընթացքում ուտում է 14 կիլոգրամ բրինձ, 8 կիլոգրամ կարտոֆիլ, 8 կիլոգրամ ձուկ, մոտ 180 հատ բանան:
Ուշագրավ տեսանյութում երևում է, թե ինչպես է երեխան ախորժակով ուտում իր սիրելի ուտելիքները, այնուհետ դժվարությամբ վեր կենում անկողնուց:
«Բոլոր իմ ընկերները նիհար են, բայց ես գեր եմ: Ես դժվարությամբ եմ կանգնում, նստում, քնում, խաղում և վազում իմ ընկերների հետ»,- ասում է Սումանը:
Երեխայի ծնողները պնդում են, որ իրենք անզոր են կանխել նրա ուտելու սովորությունը:
«Ես շատ մտահոգված եմ նրա ապագայի համար, քանի որ իմ մյուս երեխաները նորմալ են»,- ասում է նրա մայրը, ով խնդրել է տեղի բժշկին վերահսկել երեխայի քաշը:













