Կամբոջայում նախկին բռնապետները մեղավոր են ճանաչվել 1970-ականներին միլիոնավոր մարդկանց սպանության համար
Կամբոջայում դատարանը «կարմիր կխմերների» առաջնորդներ Նուոն Չեային և Հիեու Սամֆհանին մեղավոր է ճանաչել մարդկության դեմ հանցագործությունների համար և ցմահ ազատազրկման դատապարտել, հայտնում է The Guardian-ը:
«Կարմիր կխմերների» գաղափարախոսությունը հիմնվել է մաոիզմի վրա, որը չի ընդունում ժամանակակիցն ու արևմտյանը:
83-ամյա Հիեու Սամֆհանը և 88-ամյա Նուոն Չեան մեղավոր են ճանաչվել 1970-ականներին կատարված ցեղասպանության համար: Տղամարդիկ իրենց մեղքը չեն ճանաչել:
Դատական գործը վերաբերել է Կամբոջայում 1975-79թթ. տարբեր գյուղերից և քաղաքներից միլիոնավոր մարդկանց սպանությանը, նրանց նկատմամբ բռնություններին ու սովի մատնելուն:
Դատական գործը բացվել էր դեռևս 2011 թվականին՝ ներգրավվելով 4 կասկածյալների, որոնցից Կամբոջայի նախկին արտաքին գործերի նախարար Լենգ Սարին մահացել է 2013թ.-ին:
Նրանց ծերունական տարիքը և ծանր առողջական վիճակը հաշվի առնելով՝ դատական նիստը բաժանվել է մի քանի փոքրիկ հատվածների և արագացված կարգով անցկացվել, որպեսզի մինչ վճռի կայացումը մեղադրյալները չհեռանան կյանքից:
.%20DCCAM.jpg?itok=hxDtpHvb)
















