ԼՂՀ ոստիկանության 2 աշխատակից պարգևատրվել է՝ դիվերսանտների հայտնաբերման գործում ցուցաբերած խիզախության համար

17:33 • 08.08.14

Լեռնային Ղարաբաղի Հանրապետության Նախագահ Բակո Սահակյանն օգոստոսի 8-ին ստորագրել է հրամանագիր, համաձայն որի` Լեռնային Ղարաբաղի Հանրապետության պետական սահմանը ապօրինի հատած ադրբեջանական դիվերսանտների հայտնաբերման ու ձերբակալման գործում ցուցաբերած անձնական խիզախության և կյանքին սպառնացող վտանգի պայմաններում ծառայողական պարտքը պատշաճ կատարելու համար «Արիության համար» մեդալով պարգևատրվել է ԼՂՀ կառավարությանն առընթեր ԼՂՀ ոստիկանության երկու աշխատակից։ 

Այս մասին հայտնում են ԼՂՀ Նախագահի աշխատակազմի տեղեկատվության գլխավոր վարչությունից։