Կանեփը կարող է կոնդենսատորների պատրաստման նյութ լինել. գիտնականներ

Կանադացի ինժեներները պարզել են, որ կանեփի մանրաթելերը ոչ մի բանով չեն զիջում գրաֆեն նյութին՝ էլեկտրաէներգիա կուտակելու ունակության առումով, գրում է lenta.ru լրատվական կայքը:

Գիտնականներն առաջարկել են ապագայի սուպերկոնդենսատորները պատրաստել հենց կանեփ բույսից:

Նոր տեխնոլոգիան կներկայացվի Ամերիկյան քիմիական միության 248-րդ համաժողովի ժամանակ:

Ի տարբերություն ստանդարտ մարտկոցների, սուպերկոնդենսատորները կարող են լիցքավորվել և էներգիա տալ մի քանի վայրկյանի ընթացքում, սակայն խտության առումով բավական զիջում են սովորական մարտկոցներին:

Դևիդ Միտլինը և նրա աշխատակիցներն աշխատել են կանեփից պատրաստված շորերի, պարանների և ճոպանների արտադրության թափոնների հետ:

Այժմ Միտլինի աշխատանքային խումբը փորձում է կանեփից պատրաստված սուպերկոնդենսատորների փոքրածավալ արտադրություն սկսել: