Նիգերիայում ստեղծել են Էբոլա վիրուսի դեմ սեփական փորձնական դեղամիջոցը

Նիգերիայում ստեղծել են Էբոլա վիրուսի դեմ սեփական փորձնական դեղամիջոցը, որի համաճարակը բռնկվել է Արևմտյան Աֆրիկայում:

Վտանգավոր վիրուսը որոշել են բուժել «Նանոարծաթով», գրում է Lenta.ru լրատվական կայքը՝ հղում անելով Bella Naija կայքին:

«Միակ փորձնական դեղամիջոցը, որն ունենք այս պահին, մեր գիտնականների մշակած Nanosilver անվանումով պատվաստանյութն է, որի մասին մանրամասներ կհրապարակենք ավելի ուշ»,- ասել է Նիգերիայի առողջապահության նախարար Օնյեբուչի Չուկվուն:

Նա նաև հաստատել է, որ երկրում Էբոլայով վարակի 11 դեպք է գրանցվել:  

Ավելի վաղ հաղորդվել էր, որ Կանադան Աֆրիկա կուղարկի մինչև 1.000 բաժին փորձնական պատվաստանյութ: