Էրդողանը խոստացել է նոր վարչապետին ներկայացնել հաջորդ շաբաթ

13:40 • 15.08.14

Թուրքիայի նորընտիր նախագահ Ռեջեփ Թայիփ Էրդողանը խոստանում է երկրի նոր վարչապետի անունը հրապարակել հաջորդ հինգշաբթի, տեղեկացնում է Reuters գործակալությունը:

 

Ելույթ ունենալով «Արդարություն և զարգացում» կուսակցության 13-րդ տարեդարձին՝ Էրդողանը տեղեկացրել է, որ կուսակցության ղեկավարությունը հավաքվելու է օգոստոսի 21-ին, որի ընթացքում էլ հայտնի կդառնա ԱԶԿ-ի ղեկավարի և ապագա վարչապետի թեկնածուի անունը:

 

Վարչապետի թեկնածուի անունը քվեարկության է դրվելու օգոստոսի 27-ին, սակայն Էրդողանի ընտրությունը դժվար թե վիճարկվի:


Էրդողանը, ով երդվելու է օգոստոսի 28-ին՝ երկրում կայացած առաջին ուղղակի նախագահական ընտրությունից հետո, ցանկանում է երկիրը վերածել նախագահական համակարգի: