Motorola ընկերության «խելացի» ժամացույցները կարժենան 250 դոլար. ԶԼՄ-ներ (լուսանկարներ)

14:28 • 18.08.14

Motorola ընկերության «խելացի» ժամացույցների մասին տեղեկություն է հայտնվել Best Buy ամերիկյան մանրածախ առևտրի առցանց խանութում, սակայն ժամացույցի գնի վերաբերյալ հայտարարությունը կայքում այլևս հասանելի չէ, հայտնում է lenta.ru-ն:

Moto 360 կոչվող ժամացույցի գնի վերաբերյալ ոչ պաշտոնական տեղեկություններ հայտնվել են նաև ավելի վաղ, սակայն այս անգամ այն անմիջապես վաճառող ընկերության կողմից է հայտնվել: Դա, հնարավոր է, նշանակում է, որ ապրանքի վաճառքի մասին հայտարարությունը ժամանակից շուտ են տեղադրել կայքում:

Նոր ժամացույցի մասին պաշտոնական հայտարարությունն ակնկալվում է սեպտեմբերի 4-ին: