Գետեր, կղզիներ ու անապատներ. Երկիր մոլորակի ապշեցուցիչ տեսքը տիեզերքից (լուսանկարներ)

Վերջին մի քանի տասնամյակներին արբանյակային տեխնոլոգիաների զարգացման շնորհիվ հնարավոր է դարձել առավել տպավորիչ ու պատկերավոր լուսանկարներ ստանալ Երկիր մոլորակից:

Ինչպես գրում է Business Insider-ը՝ Երկրի դիտորդական արբանյակները, ինչպիսիք են Եվրոպական տիեզերական գործակալության Envisat և ՆԱՍԱ-ի Landsat սարքերը, մեծապես ընդլայնել են մեր գիտելիքները շրջակա միջավայրի ու մարդկային զարգացման ազդեցությունների վերաբերյալ:

Բազմաթիվ արբանյակային պատկերներ առավելապես գեղեցիկ տեսք են ստանում հատուկ գունավորման շնորհիվ: Ինֆրակարմիր, ուլտրամանուշակագույն և այլ գունավորումներ արտացոլում են այնպիսի կարևոր գործոններ, ինչպիսիք են եղանակը, բուսականությունը և աղտոտվածության մակարդակը:

Սիբիրի Լենա, Օբ և Ենիսեյ գետերը թափվում են Հյուսիսային սառուցյալ օվկիանոս: Նկարում կանաչով պատկերված է բուսականությունը, վարդագույնով՝ ավազը, կապույտով՝ ջուրը:

Միսիսիպի գետի գետաբերանը Լուիզիանա նահանգում: Կարմիր գույնը ցուցադրում է բուսական ծածկը, սպիտակի և կապույտի երանգները պատկերում են նավթային հետքերը:

Մադագասկարի Բետսիբոկա գետը թափվում է Բոմբետոկա ծոցը: Կարմիրով երևում են կղզու մանգլենիները, որոնք շրջապատված են տապիոկայի և բրնձի պլանտացիաներով:

Սենեգալ գետը ձգվում է 1770 կմ երկարությամբ՝ սահման դառնալով Սենեգալի և Մավրիտանիայի միջև:

Անտարկտիկան Երկրի ամենամեծ անապատն է, որը 13 000 000 քառ. կմ տարածք է զբաղեցնում:

Ձգվելով 890 կմ երկարությամբ՝ Էբրո գետը ամենահզորն է Իսպանիայում: Հարուստ հողի և ոռոգման համակարգի բարդ ջրանցքների շնորհիվ Էբրոյի գետաբերանը հիանալի վայր է դառնում մրգերի և բանջարեղենի աճեցման համար:

Ալեուտյան կղզիները հրաբխային արշիպելագ է, որը տեղակայված է Բերինգի նեղուցի հարավային մասում:

Շվեդիայի ամենամեծ Գոթլենդ կղզին գտնվում է Բալթիկ ծովում: Ջրում լողացող կանաչը միկրոսկոպիկ ֆիտոպլանկտոնն է, որը տարածված է այդ շրջանում: