10 ինքնատիպ վայր, որոնք կերպարանափոխվում են գիշերային ժամերին՝ լուսանկարներով

Բնությունը զարմանահրաշ է իր ցանկացած դրսևորմամբ, ինչպես նաև՝ լույսի ու գույնի ինքնատիպ խաղով, որն առավել նկատելի է դառնում ցերեկային ու գիշերային ժամերի հերթափոխի ժամանակ: Այս մասին գրում է architecturendesign.net-ը՝ ներկայացնելով տարբեր բնական վայրեր, որոնք կերպարանափոխվում են գիշերը:

 

1. Անտառ-այգի, Նյու Յորք

Նոր Անգլիայի անտառներին հատուկ այս սունկը (Panellus stipticus) կենսալուսավորում ունեցող 70 տեսակից մեկն է, որն աճում և լուսավորվում է մի քանի օրվա ընթացքում:

 

 

2. Վայտոմո քարանձավը, Նոր Զելանդիա

Աշխարհի ամենագեղեցիկ ու սյուրռեալիստական քարանաձավներից մեկն է, որը լի է հազվագյուտ տեսակի լուսատուներով, որոնք հանդիպում են միայն այս տարածաշրջանում:

 

3. Արևելյան ափ, Ավստրալիա

Ավստրալիայի ափերին հանդիպող այս յուրօրինակ խխունջը լուսավորվում է, երբ անհանգիստ է լինում և շրջապատից եկող վտանգ է զգում:

 

4. Կապույտ քարայր, Կապրի, Իտալիա

Բնության ամենախոշոր կեղծ օպտիկամանրաթելային Կապույտ քարայրն իր գունավորումն ստանում է դրսից եկող լույսի շնորհիվ, որն անցնում է ջրի միջով՝ լուսավորելով քարանձավի մութ ինտերիերը:

 

 

5. Թենեսիի անտառները գարնանը

Լուսատտիկներն անցնում են անտառի նույնանման ուղիներով և հաճախ օգտագործում իրենց պայծառ լուսավորումը զուգընկերոջը հրապուրելու համար:

 

 

6. Կանադա

Հայտնի բնական երևույթը՝ Հյուսիսափայլը, լուսավորում է Կանադայի երկինքը, երբ արևից անջատված լիցքավորված մասնիկները Երկրի մթնոլորտում հանդիպում են տարբեր տարրերի:

 

7. Տոյամա ծովածոցը, Ճապոնիա

Շողացող կամ լուսարձակող կաղամարները (Watasenia scintillians) բնական լույս են արձակում, սակայն դրանք այնպիսի խորություններում են բնակվում, որ տեսնել հնարավոր չէ:

 

8. Ասիայի մերձարևադարձային անտառները

Քայլելով Շրի Լանկայի, Ճապոնիայի, Թայվանի, Ավստրալիայի, Բրազիլիայի, Պոլինեզիայի և Ճավա կղզու անտառներով՝ թվում է, թե հայտնվել ես հեքիաթների աշխարհում, և դա Mycena chlorophos տեսակի լուսարձակող սնկերի շնորհիվ է:

 

9. Կատատումբո, Վենեսուելա

Ովքեր կարծում են, որ կայծակը նույն տեղը չի հարվածում, սխալվում են: Դարեր շարունակ Վենեսուելայի Կատատումբո գետի գետաբերանին տարվա մեջ 160 օր կայծակներ են լինում՝ օրական 280 կայծակ՝ ամեն օր տևելով 10 ժամ: Դա տեղի է ունենում մթնոլորտում մեթանի խոշոր համակցությունների պատճառով, որոնք առաջանում են ճահիճներում:

 

 

10. Վաադու, Մալդիվներ

Մալդիվյան Վաադու կղզին յուրօրինակ վայր է, որի ափերին հնարավոր է տեսնել կենսալուսատու ֆիտոպլանկտոնի հազվագյուտ տեսակներից մեկը: