Քրդերի բանտարկված առաջնորդը սեպտեմբերի 1-ին ուղերձ կհղի
Քրդական աշխատավորական կուսակցության ազատազրկված առաջնորդ Աբդուլլահ Օջալանը սեպտեմբերի մեկին հանդես կգա ուղերձով, հայտնում է Hurriyet-ը:
Սեպտեմբերի մեկին Թուրքիայում նշում են Համաշխարհային խաղաղության օրը: Օջալանի ուղերձը կտարածվի Թուրքիայի Արդարադատության նախարարության միջոցով:
Թուրք խորհրդարանականներն օգոստոսի 15-ին հանդիպել են Ստամբուլի մերձակա կղզիներից մեկում պահվող Օջալանին, սակայն նրանց ուղերձի բովանդակությունը ևս հայտնի չէ:
Ուղերձի հղման ժամկետը համընկել է նաև Քրդական աշխատավորական կուսակցության՝ Թուրքիայի դեմ պայքարի երեսնամյակին:
Ավելի վաղ Օջալանը հանդես էր եկել այն բանի օգտին, որ «երեսնամյա պատերազմն ավարտվի ժողովրդավարական բանակցություններով»:
Աղբյուրը հայտնում է նաև, որ օրերս Օջալանին է հանդիպել Թուրքիայի Ազգային հետախուզական կազմակերպության ղեկավար Հաքան Ֆիդանը, որն Օջալանին վստահեցրել է, որ բանակցային պատվիրակություններ կստեղծվեն, կբարելավվեն աշխատանքային պայմանները:










