Հարյուրավոր սիրիացիներ վերադարձել են իրենց տները Դամասկոսի հարավում
Սիրիայի հարյուրավոր քաղաքացիներ կարողացել են վերադառնալ իրենց տները Դամասկոսի հարավում՝ ազգային հրադադարի մասին համաձայնագրի շրջանակներում: Այս մասին հայտնում է РИА Новости-ն՝ «Ալ-Մայադին» հեռուստաալիքին հղումով:
Սիրիայի իշխանությունները հաշտեցման հարցով հանձնաժողովի միջնորդությամբ օգոստոսի 20-ին համաձայնագիր են կնքել զինյալների հետ՝ վերջիններիս խոստանալով չհետապնդել իրենց, եթե նրանք վայր դնեն զենքերը:
Քաղաքացիների վերադարձը կառավարության և զինված խմբավորումների միջև կնքված խաղաղ համաձայնագրի պարտավորությունների կատարման առաջին փուլն է:
Դամասկոսի կոմունալ ծառայությունների տնօրենը հայտնել է, որ կոմունալ և ինժեներական ծառայութուններն սկսել են քաղաքի վերականգնումը:










