Բռնցքամարտիկ Ֆլոյդ Մեյվեզերին 750.000 դոլար են խոստացել, եթե վերջինս առանց սխալների կարդա «Հարի Փոթերը»

12:28 • 25.08.14

Սկանդալ է հասունանում ռեփեր 50 Cent-ի և պրոֆեսիոնալ բռնցքամարտիկ Ֆլոյդ Մեյվեզեր կրտսերի միջև։ Երաժիշտն Instagram-ում տեսանյութ է տեղադրել, որում հայտարարել է, որ 750.000 դոլար կվճարի մարզիկին, եթե վերջինս կարողանա «Հարի Փոթեր» գրքից բարձրաձայն մեկ էջ կարդալ՝ առանց որևէ սխալի, գրում է Вести-ն։

 

«Ֆլոյդ, հետաքրքիր է, կընդունե՞ս արդյոք իմ «մարտահրավերը»։ Ես կտամ քեզ 750.000 դոլար, որը դու կկարողանաս նվիրաբերել ցանկացած բարեգործական կազմակերպության, եթե կարողանաս «Հարի Փոթեր» գրքից մեկ էջ կարդալ և չսխալվել»,- հայտարարել է ռեփերը։

 

Երաժշտին բարկացրել է, որ բռնցքամարտիկն իր հասցեին վիրավորական է արտահայտվել։

 

Հավանաբար, եթե նույնիսկ Մեյվեզերն ընդունի ռեփերի «մարտահրավերը», նրա համար դա անելն այնքան էլ հեշտ չի լինի։ Դատելով համացանցում տեղադրված ձայնագրություններից՝ մարզիկն, իսկապես, մեծ դժվարությամբ է կարդում։