Կադիրովը բայքերների ակումբի անդամ է դարձել

10:16 • 25.08.14

Չեչնիայի ղեկավար Ռամզան Կադիրովը «Գիշերային գայլեր» մոտոակումբի անդամ է դարձել: Այդ մասին Կադիրովը հայտնել է Instagram-ում, գրում է lenta.ru-ն:

 

«Ակումբի վետերանների ընդհանուր որոշմամբ ես ընդգրկվել եմ «Գիշերային գայլեր»-ի կազմում: Որպես այդ մասին վկայություն՝ ինձ շնորհել են ակումբի թևկապ»,- գրել է Կադիրովը՝ հավելելով, որ այժմ Գրոզնիում կա մոտոակումբի մասնաճյուղ:

 

Բայքերները, ինչպես հայտնել է Չեչնիայի ղեկավարը, հանրապետություն են եկել իր հրավերով: Կիրակի երեկոյան Կադիրովը նրանց պատվին ճաշկերույթ է կազմակերպել:

 

«Խիրուրգ» մականունով «Գիշերային գայլեր»-ի առաջնորդ Ալեքսանդր Զալդոստանովը, Կադիրովի կարծիքով, «միշտ իր մարդկանց հետ հայտնվում է այնտեղ, որտեղ պետք է Ռուսաստանին»: «Նա պետական մտածողությամբ, կարևոր հարցերի վերաբերյալ հստակ և ամուր դիրքորոշմամբ մարդ է»,- հայտարարել է Չեչնիայի ղեկավարը: