Խաղաղ բնակչության դեմ ուկրաինացի ուժայինների գործողությունները ռազմական հանցագործություն են. Լավրով

14:05 • 25.08.14

Ռուսաստանի արտգործնախարար Սերգեյ Լավրովն այսօր լրագրողների հետ ճեպազրույցի ժամանակ մի շարք հայտարարություններ է արել Ուկրաինայի շուրջ վերջին զարգացումների վերաբերյալ, հայտնում է ria.ru-ն:

 

Լավրովը հայտարարել է, որ խաղաղ բնակչության դեմ ուկրաինացի ուժայինների գործողությունները «ռազմական հանցագործություն» են, իսկ անջատողականների կողմից նման գործողություններ չեն արվում:

 

Լավրովը նշել է, որ Ռուսաստանը պատրաստ է օգնել ներուկրաինական երկխոսությանը, «որն ուկրաինացիներին կօգնի ապրել մեկ պետության կազմում»:

 

Սակայն, ըստ նրա, կարևոր է հարցը, թե ինչպես պետք է ապակենտրոնացում կատարվի և ինչ իրավասություններ են ունենալու Ուկրաինայի շրջանները: Ամեն դեպքում Լավրովն ընդգծել է, որ դա պետք է արվի բանակցային գործընթացների շրջանակներում:

 

Ավելի վաղ նա ասել էր, որ Ռուսաստանն Ուկրաինայի արտգործնախարարություն նոտա է հղել, որով տեղեկացրել է նոր մարդասիրական բեռներով ավտոշարասյուն պատրաստելու մտադրության մասին: